Plantun de Prouvènço

Pèr coumpara dos planto d'encò nostre

Bupleurum falcatum subsp. cernuum & Myosotis discolor

Bupleurum falcatum subsp. cernuum

Apiaceae Umbelliferae

Noms en français : Buplèvre penché, Buplèvre en faux.

Descripcioun :
Aquéu buplèvre-en-daio, de la subsp. cernuum, trachis dins lis Aup dóu miejour, subretout à l'instànci subaupin. La planto, pulèu grando e verdalo, se recounèis eisadamen bonodi si fueio en daio o en voulame s'amas mies. La subsp. presentado eici à mens de dès rai inegau à sis oumbello e se recounèis peréu à si fru de 4 à 6 mm que soun quàsi ala (fotò).

Usanço :
Aquesto planto èi pas utilisado au nostre, soulamen en medecino óurientalo. Pamens es esta trouba d'ùni prouprieta coume èstre anti-enflamativo, antispasmoudico e estoumatico.

Port : Grando erbo
Taio : 20 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2 à 4 cm
Flourido : Estiéu

Sòu : Ca
Autour basso e auto : 1000 m à 1700 m
Aparado : Noun
Juliet à setèmbre

Liò : Bos clar - Óuriero de bos - Tepiero
Estànci : Mountagnard à Subaupen
Couroulougi : Éurasiatico
Ref. sc. : Bupleurum falcatum subsp. cernuum (Ten.) Arcang.,1894

Te-vese-e-t'ame(-di-dos-coulour)

Myosotis discolor

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis bicolore, Myosotis de deux couleurs.

Descripcioun :
Aquéu te-vese-e-t'ame, coume lou dis soun noum, a de flour de dos coulour, jauno pièi bluio. Es uno planto pas trop coumuno que trachis dins li pelouso sablouso bagnado l'ivèr. Isto uno meno proche que ié dison lou te-vese-e-t'ame-doutous, Myosotis dubia, que vèn dins li mémi relarg, que fai de flour d'abord blanco, pu pichoto e que la cambo, pu grando elo, a pas jamai li fuio d'en aut "óupousado".

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").